ÜTT pandemiya fonunda 4 il sonra ilk nazirlər konfransını təxirə salıb

Bakı. Trend:

Ümumdünya Ticarət Təşkilatının (ÜTT) noyabrın 30-dan dekabrın 3-dək Cenevrədə keçiriləcək XII Nazirlər Konfransı təxirə salınıb.

Trend-in məlumatına görə, bu barədə mənbələrə istinadən "Reuters" agentliyi xəbər verib.

Mənbələrin sözlərinə görə, tədbirin təxirə salınmasının əsas səbəbi koronavirusun yeni ştammının aşkarlanması da daxil olmaqla səhiyyə sektorunda vəziyyətin pisləşməsi ilə bağlı qorxular olub.

Qeyd edək ki, Nazirlər Konfransında ÜTT-yə üzv olan 164 ölkə və ərazinin ticarət nazirləri iştirak edir, təşkilatın ali idarəetmə orqanı hesab edilir və adətən iki ildən bir keçirilir. Bundan əvvəlki konfrans 2017-ci ilin dekabrında Buenos-Ayresdə keçirilib.

Trend.az

ƏVVƏLKİ XƏBƏR

İtaliya Afrikanın 7 ölkəsinə girişi qadağan edib

SONRAKI XƏBƏR

Makron BƏƏ, Qətər və Səudiyyə Ərəbistanına səfər edəcək