Epidemioloji təhlükənin azalması fonunda dünya bazarlarında neft bahalaşır.

“Report” “Prime” agentliyinə istinadən xəbər verir ki, Bakı vaxtı ilə 08.48-ə olan məlumata görə, Şimal dənizində hasil olunan “Brent” neftinin yanvar fyuçersləri 0,68% bahalaşaraq, 1 bareli 73,72 ABŞ dollarına satılıb. WTI neftinin yanvar fyuçerslərinin qiyməti də 0,94% artaraq, 1 bareli 70,61 ABŞ dolları təşkil edib.

Treyderlər “Omikron” ştamı ilə bağlı təhlükədən başqa, ABŞ və İran arasında nüvə enerjisinə dair müqavilənin imzalanması ehtimallarına da xüsusi diqqət ayırırlar.

Mənbə: report.az