Türkiyə və İran qaz müqaviləsinin uzadılmasına dair danışıqlara başlayır

Bu həftə Türkiyənin "BOTAŞ" (Boru Xətləri ilə Yanacaq Daşıma) şirkəti və İran Milli Qaz Şirkəti arasında danışıqlar başlayır.

“Report” xarici mətbuata istinadən xəbər verir ki, bunu İranın neft naziri Cavad Ovci deyib.

O bildirib ki, Türkiyə ilə təbii qaz müqaviləsinin uzadılması, İran Neft Nazirliyi və İran Milli Qaz Şirkətinin (NIGC) gündəmindəki məsələlərdən biridir: “Yeni müqaviləyə görə, Türkiyəyə qaz ixracı 2026-cı ilədək davam edəcək. Bu həftə BOTAŞ və İran Milli Qaz Şirkəti arasında danışıqlara başlanılacaq”.

İran Türkiyəyə Rusiyadan sonra ikinci təbii qaz tədarükçüsüdür. Tehran Türkiyəyə elektrik enerjisi istehsalı üçün 25 illik təbii qaz tədarükü müqaviləsi çərçivəsində ildə təxminən 10 milyard kubmetr qaz satır.

Qaz Təbrizdən Ankaraya 2 577 kilometrlik (1 601 mil) boru kəməri ilə ixrac edilir.

Report.az

ƏVVƏLKİ XƏBƏR

"Barselona" onu göndərir

SONRAKI XƏBƏR

Ali məktəblərdə hazırlıq qrupları - Qəbul edilən qanun niyə icra edilmir? - VİDEO