Ötən il Azərbaycana nə qədər əcnəbi gəlib?

Ötən il ölkəmizə giriş edən əcnəbi sayı 791983 olub.

Xeberle.com xəbər verir ki, bunu Dövlət Miqrasiya Xidmətinin rəisi Vüsal Hüseynov 2021-ci ilin yekunları ilə bağlı keçirilən mətbuat konfransında bildirib. Onun sözlərinə görə, həmin şəxslər daha çox qonşu ölkələrdən - Rusiya, Türkiyə, Gürcüstan, İran və Ukraynadan olub. Həmçinin ötən ilin son gününə ölkədə olan əcnəbi sayı 131512 nəfər təşkil edib.

Bu gün isə ölkədə 129590 əcnəbi vətəndaş və vətəndaşlığı olmayan şəxs yaşayır. Ölkələr üzrə də əsas yerləri qonşu ölkələr tutur. Olduğu yer üzrə qeydiyyata düşənlərin sayı 167216, müvəqqəti yaşamaq üçün icazəsi olanların sayı 45608-dir. Türkiyə, Rusiya, Gürcüstan, İran və Ukrayna burada da üstünlük təşkil edir. Daimi yaşamaq üçün icazə sayında 43,6 faiz artım olub. Bu il 2397 nəfər icazə əldə edib.

Xeberle.com

ƏVVƏLKİ XƏBƏR

Əcnəbilərin Qarabağa səfəri nəzərdə tutulmayıb

SONRAKI XƏBƏR

Yorulduğuna görə səhnədən gedir