Əhali mobil xidmətlərdən istifadəyə nə qədər pul xərcləyib?

İnformasiya və rabitə sahəsində fəaliyyət göstərən müəssisələr tərəfindən 2021-ci il ərzində göstərilmiş xidmətlərin dəyəri 2 milyard 384,2 milyon manat təşkil edib.

Oxu.Az-ın Dövlət Statistika Komitəsindən əldə etdiyi məlumata əsasən, göstərilən xidmətlərin dəyəri əvvəlki illə müqayisədə 6,1 faiz artıb.

Bildirilib ki, bunun 75,8 faizi əhali tərəfindən istehlak olunub.

Xidmətlərdən əldə edilən gəlirin 41,2 faizi və ya 982,8 milyon manatı mobil telefon rabitəsi sahəsində formalaşıb. Bu isə 2020-ci illə müqayisədə 5,3 faiz çoxdur.

Qeyd edək ki, 2020-ci ildə informasiya və rabitə sahəsində göstərilmiş xidmətlərin dəyəri 2 milyard 235,9 milyon manat olub. Xidmətlərdən əldə edilən gəlirin 933,2 milyon manatı mobil telefon rabitəsi sahəsində formalaşıb.

Oxu.az

ƏVVƏLKİ XƏBƏR

Qubadlıda yeni qərargah bina­sı istifadəyə verilib

SONRAKI XƏBƏR

İdarəetmə Sistemləri İnstitutunun əməkdaşları Şəhidlər xiyabanını ziyarət ediblər