Macarıstan iqtisadiyyatı pandemiyadan əvvəlki səviyyəyə çıxır

Macarıstan Avropa İttifaqında pandemiyadan əvvəlki iqtisadi göstəricilərini üstələyən ölkələrdən birinə çevrilə bilər.

AZƏRTAC xəbər verir ki, Macarıstanın Maliyyə Nazirliyinin hesabatında ölkə üzrə ÜDM-in ötən il 6,4 faiz artması, bu il isə daha 5 faiz artacağının gözlənildiyi deyilir. Nazir Mixay Varqa özünün feysbuk səhifəsində qeyd edib ki, bu göstəricilər böhrandan ən çox zərər çəkənlər - yaşlı insanlar, çoxuşaqlı ailələr və gənclər arasında əminliyi möhkəmlətmək üçün əlverişli fürsət yaradır. İndi hətta 13 aylıq təqaüdün tam bərpası, ailə vergisinin qaytarılması, işçi qüvvəsinə vergilərin əlavə olaraq 2 milyard avro azaldılması və 25 yaşdan aşağı gənclərin gəlir vergisindən azad edilməsi barədə də danışmaq olar.

Pərvanə Qarayeva

 

Azertag.az

ƏVVƏLKİ XƏBƏR

SOCAR-ın xarici bazarlara ixrac etdiyi neft və qaz həcmi BİLİNDİ - FOTO

SONRAKI XƏBƏR

Kraliça ziyafətə qayınanasının geyimində qatıldı - FOTO