Daha 100-ə yaxın şəhid ailəsi və qazi üçün kiçik bizneslər yaradılıb

Əmək və Əhalinin Sosial Müdafiəsi Nazirliyinin tabeliyindəki Dövlət Məşğulluq Agentliyinin icra etdiyi özünüməşğulluq proqramı çərçivəsində şəhid ailələri və qazilər üçün kiçik təsərrüfat və müəssisələrin yaradılması işləri davam etdirilir.

"Report" xəbər verir ki, son bir həftə ərzində bu kateqoriyalardan olan 100-ə yaxın şəxsə proqramın dəstəyi olaraq mal və materiallar formasında aktivlər verilib. Bu aktivlər hesabına onlar kənd təsərrüfatı və istehsal-xidmət sahələri üzrə kiçik bizneslərini yaradıblar.

Proqrama cəlb olunan şəxslər üçün əvvəlcə təlimlər təşkil olunur, onlara kiçik biznesin təşkili və idarə olunması üzrə bilik və bacarıqlar öyrədilir.

Report.az

ƏVVƏLKİ XƏBƏR

Nazir müavini: “İşğaldan azad edilmiş ərazilərdə BOEM-dən fəal istifadə olunacaq”

SONRAKI XƏBƏR

Çətin sınaqlardan keçmiş qardaş Azərbaycan xalqı... - Lukaşenko