Borc ödənişi ...2024-cü ilə qədər təxirə salınır

Ukrayna xarici borcu üzrə ödənişlərin müvəqqəti dondurulması üçün beynəlxalq istiqraz sahiblərinin təsdiqini təmin edib.

SİA-nın rus saytlarından əldə etdiyi məlumata görə, bu barədə “Bloomberg” məlumat yayıb.

Agentlik bildirib ki, Ukraynanın 19,6 milyard dollarlıq xarici istiqrazlarının təxminən 75 faizini təmsil edən investorlar ödənişləri 2024-cü ilə qədər təxirə salmağa razılaşıblar.

“Bloomberg”in məlumatına görə, restrukturizasiya prosesi Ukraynanın əsas müttəfiqləri, o cümlədən ABŞ və Beynəlxalq Valyuta Fondu tərəfindən dəstəklənir.

Xatırladaq ki, iyulun sonunda Fitch Beynəlxalq Reytinq Agentliyi Ukraynanın xarici valyutada uzunmüddətli defolt reytinqini CCC-dən C səviyyəsinə endirdi ki, bu da defoltdan əvvəlki səviyyəyə uyğundur. Kredit reytinqinin aşağı salınmasına səbəb ölkənin avrobond sahiblərinə ödənişlərin iki il müddətinə təxirə salınması ilə bağlı müraciəti olub.

Ağasəf Babayev

Sia.az

ƏVVƏLKİ XƏBƏR

“Türkiyə bu yolda inamla addımlayacaq...” – Komitə sədri

SONRAKI XƏBƏR

Yaralı əsgərini xilas etmək istəyərkən şəhid olan kapitanımızın DOĞUM GÜNÜDÜR - FOTO-VİDEO