Səfərbərlikdən yayınmaq üçün ruslar fantastik məbləğ ödəyirlər

Rusiya Prezidenti Vladimir Putinin ötən həftə ölkədə qismən səfərbərlik elan etməsi rus xalqında panika və narahatlığa səbəb olub.

Manset.az Türkiyə mediasına istinadən xəbər verir ki, bundan sonra Rusiya vətəndaşları viza tələb etməyən Türkiyə, Azərbaycan və Ermənistana qaçmaq üçün həm hava limanı, həm də şəxsi avtomobiləri ilə sərhədlərə axın ediblər. Çox bahalı təyyarə biletlərinə belə pul xərcləyən rusiyalı hərbi xidmətə yararlı şəxslər belə biletlər də tapa bilmədikdə daha çox xərcləməkdən belə yayınmırlar.

Rusiya vətəndaşlarının şəxsi təyyarə kirayə etdikləri ortaya çıxıb. Bunun üçün 27 min dollar pul verən ruslar kirayə etdikləri təyyarələr ilə yuxarıda qeyd edilən 3 ölkəyə qaçırlar.

Şəxsi təyyarə kirayə verən şirkətlər onlara tələblərin son günlərdə artdığını bildiriblər. Belə təyyarələrdə bir oturacağın qiyməti 21 min 500 dollarla 27 min dollar arası dəyişir.

“Gün ərzində normalda 50 tələb gəlirdi, lakin indi bir gündə 5 min insan bizə müraciət edir. İndi baş verənlər tam bir dəlilikdir”, - deyə “Your Charter” şirkətinin direktoru Yevgenıy Bikov bildirib.

Manset.az

ƏVVƏLKİ XƏBƏR

Məsud Özilin ailəsində xoş gün

SONRAKI XƏBƏR

“Fənərbağça” azarkeşləri derbiyə buraxılmayacaqlar