Bakının Nizami rayonunda uzunluğu 500 metr olan küçə təmir edilir

Azərbaycan Avtomobil Yolları Dövlət Agentliyi Bakının Nizami rayonunun Qara Qarayev prospektinə paralel 2-ci dərəcəli küçənin Bəhruz Nuriyev küçəsindən Babək küçəsinə qədər olan hissəsini əsaslı təmir edir.

“Report” xəbər verir ki, bu barədə Agentlik məlumat yayıb.

Məlumata görə, təmir olunan bu hissənin uzunluğu 500 metr, eni ortalama 16 metrdir. Təmir işləri çərçivəsində deformasiyaya uğramış asfalt-beton örtüyü frezlənib, zəruri olan yerlərdə piyada səkilərinin bərpa olunub, köhnə səki daşları yenilənib. Küçəboyu mövcud piyada səkiləri 1 200 kvadratmetr sahədə bərpa olunub, 480 p/m yeni səki daşları düzülüb. Hazırda əraziyə yeni asfalt-beton örtüyünün döşənməsi işləri son mərhələdə olmaqla aparılır.

Sonda üfüqi nişanlanma xətlərinin çəkilişi işləri aparılacaq, zəruri yerlərdə yol nişanları quraşdırılacaq.

2022-ci ildə Nizami rayonu üzrə təmirə ehtiyacı olan və ümumi uzunluğu 6,25 kilometr təşkil edən 9 küçə təmir edilib.

 

Report.az

ƏVVƏLKİ XƏBƏR

Albaniya İranla NATO-nu üz-üzə qoymaqdan niyə vaz keçib?

SONRAKI XƏBƏR

“Yayılan bəzi videolar saxtadır” - Baş prokuror