Bir çox nüfuzlu beynəlxalq maliyyə instituları ilə əməkdaşlıq edən “Bank Respublika” ASC ölkəmizdə fəaliyyət göstərən xarici ölkə səfirlikləri ilə də birgə layihələr həyata keçirməyi planlaşdırır.

Bununla bağlı “Bank Respublika”nın Baş ofisində Bankın rəhbərliyi ilə Niderland Krallığının ölkəmizdəki fövqəladə və səlahiyyətli səfiri xanım Paulin Eizema arasında görüş keçirilib.

Görüşdə “Bank Respublika”nın Müşahidə Şurasının sədri Şakir Rəhimovun rəhbərliyi ilə bankın nümayəndə heyəti iştirak edib. Tərəflər müxtəlif sahələr üzrə gələcək əməkdaşlığın inkişaf istiqamətləri, xüsusilə ölkəmizdə fəaliyyət göstərən qadın sahibkarlara və gənc iş adamlarına dəstək, korporativ sosial məsuliyyət layihələrinin keçirilməsi və qarşılıqlı maraq doğuran digər məsələləri müzakirə ediblər.

P.Eizema “Bank Respublika” ilə olan əlaqələrin genişlənməsində marağını ifadə edib, birgə təşəbbüslərin və layihələrin icrasının dəstəklənməsinə töhfə verəcəyini vurğulayıb.

Daha ətraflı məlumatı bankın rəsmi web saytında, facebook, instagram, linkedin səhifələrində və yaxud Bankın Çağrı Mərkəzinə 144 nömrəsinə zəng edərək əldə edə bilərsiniz.

Mənbə: report.az