Avropada Rusiya neftinə görə fikir ayrılığı yaranıb

Ukrayna Prezidenti Volodimir Zelenski Litva və Polşanın baş nazirləri ilə birlikdə Avropa İttifaqı ölkələrinin Rusiya neftinə qoyduqları son qimət həddi (65-70 ABŞ dolları) ilə razılaşılmır.

“Report”un Şərqi Avropa bürosunun sammitdə iştirak edən əməkdaşının məlumatına görə, liderlər bununla bağlı iradlarını Kiyevdə Ukraynanın təşəbbüsü ilə keçirilən “Ukraynadan taxıl” beynəlxalq sammitində bəyan ediblər.

Belə ki, Zelenski Kiyevdə səfərdə olan Niderland, Pollşa, Belçika, Litva baş nazirləri və Macarıstan Prezidenti lə birgə jurnalistlər qarşısında çıxışı zamanı Rusiya nefti üçün son qiymət həddinin 30-40 ABŞ dolları olmasının vacibliyini bildirib.

“Mən istərdim ki, qiymət həddi ilə bağlı sanksiyalar neftin dəyərinə siyasi yox, real təsir etsin. Rusiya bu milyardlardan istifadə etməsin. Biz isə on milyardlardan danışırıq. Bu gün nəzərdə tutulan limit ona dəlalət edir. İstərdik ki, sanksiyalar effektiv olsun və limitlər 30-40 dollar səviyyəsində olsun ki, Rusiya bunu hiss etsin”.

Görüşdə iştirak edən Polşann Baş naziri Matueş Moravetski də Zelenskinin fikirlərini dəstəkləyib. O, qeyd edib ki, Aİ ölkələrinə Rusiya nefti üçün maksimum qiymətlər lazımdır ki, dövlətlərin iqtisadiyyatı sürətlə tənəzzülə uğramasın:

“Amma bu, Ukraynaya da mənfi təsir göstərəcək. Biz Rusiyanın neftə görə nə qədər pul aldığını başa düşürük. Ona görə də biz G7 ölkələri ilə işləyəcəyik ki, sanksiyalar bütün tərəfdaşlar arasında effektiv və koordinasiyalı olsun. Rusiyanın aktivlərinin, xüsusən də oliqarxların əmlakını müsadirə etmək və onları Ukraynanın bərpasına yönəltmək zəruri addım olardı".

Sammitdə iştirak edən Litva Baş naziri də Rusiya nefti ilə bağlı daha aşağı qiymət həddini dəstəkləyib.

Qeyd edək ki, Avropa İttifaqı ölkələri Rusiyaya sanksiyalar çərçivəsində bu ölkədən alınan neft üçün maksimum - 70 ABŞ dolları müəyyənləşdiriblər.

Report.az

ƏVVƏLKİ XƏBƏR

Azərbaycanda dərs zamanı DƏHŞƏT - Tavan şagirdlərin üstünə düşdü - VİDEO

SONRAKI XƏBƏR

Prezident Ərdoğan: Avropa ölkələri qışı necə keçirəcəklərini düşündükləri bir vaxtda, biz qışı rahat bir şəkildə qarşılayırıq