Bədənə zərər vermədən həm gümrah olmağa, həm formada qalmağa kömək edən, həm də əhval-ruhiyyəni qaldıran içkilər var, bunlar smuzilər və meyvə şirələridir.

Publika.az xəbər verir ki, bu sözləri psixoterapevt-narkoloq, həkim Stanislav Qruvman deyib.

O, bildirib ki, yaşıl smuzi hazırlamaq üçün kələm, cəfəri və ispanaqdan istifadə etmək lazımdır. Onlar orqanizmin optimal səviyyədə işləməsinə kömək edən B vitamininin təbii mənbəyidir.

Həmçinin az miqdarda təbii kofein ehtiva edən yaşıl çay da belə içkilərə aiddir. Bundan əlavə, xərçəng və ürək xəstəliyi riskini azaldır, məhsuldarlığı artırır və zehni gücləndirir.

Qrovmen suyu ən yaxşı enerji içkisi adlandırıb. Bədən susuz qaldıqda, metabolik reaksiyalar yavaşlayır, nəticədə enerji səviyyəsi azalır. Eyni zamanda suya limon, çiyələk və ya göyərti əlavə etməklə suyu daha dadlı etmək olar.

"Enerji içkilərinə aludəçilik kofein asılılığına səbəb ola bilər. Bu, qaraciyərə, ürəyə və psixikaya zərər verir. Enerji içkilərindən tez-tez istifadə asılılığı artıra bilər. Bu asıllıqdan əziyyət çəkənlər bədənin "normal" işləməsini təmin etmək üçün daha çox enerji və qəhvə tələb etməyə başlayır. Enerji içkiləri qaraciyərə ciddi ziyan vurur, böyrək çatışmazlığına, tənəffüs problemlərinə, qıcolmalara, həmçinin aqressiyaya, psixoza, hətta infarkta belə səbəb olur.

 

Energetik içkilərin tərkibində kofeinin yüksək olduğunu nəzərə alsaq, onları çox miqdarda və ya tərkibində kofein olan digər içkilərlə birlikdə qəbul edən yeniyetmələr arasında infarkt və ölüm də daxil olmaqla ciddi əks təsirlərin yaranması riski yüksəkdir.

Enerji içkilərindən aludəçilik yeniyetmələrin inkişaf riski üçün daha yüksək ola bilər. Bu içkilərin sağlamlığa vurduğu ziyanla yanaşı, iqtisadi tərəfi də var. Enerji içkilərinin tez-tez istifadəsi cibinizə də zərbə vurur, çünki onlar digər içkilərdən daha bahadır", - həkim yekunda qeyd edib.

Aytən Məftun

 

Mənbə: publika.az