Pakistan idxalla bağlı bütün kommersiya sazişlərindən sonra aprel ayında Rusiyadan xam neft almağa başlayacaq.

AZƏRTAC “News International” qəzetinə istinadla xəbər verir ki, bu barədə Pakistanın neft naziri Müsadiq Malik bildirib.

Pakistan Rusiya ilə imzaladığı saziş əsasında enerji təhlükəsizliyinə dair plan tərtib etməyə başlayıb. Sənəd Rusiyadan xam neft, qaz və digər yanacaq növlərinin idxalını nəzərdə tutur.

Müsadiq Malikin sözlərinə görə, Rusiya ilə imzalanan saziş Pakistanın xam neftə olan tələbatının 35 faizini ödəməyə imkan verəcək.

Mənbə: azertag.az