Türkiyənin Biləcik şəhərində kəşf edilən qızıl mədəni prezident Rəcəb Tayyib Ərdoğanın iştirakı ilə açılıb.
SİA-nın əldə etdiyi məlumata görə, Prezident Ərdoğan mərasim zamanı etdiyi çıxışda deyib:
"Yeni kəşflərlə yerli qızıl hasilatını artırmağı hədəfləyirik.
2021-ci ilin yanvar ayından etibarən mədən sahəsində aparılan araşdırmalar nəticəsində 60 ton qızıl ehtiyatı müəyyən edilib.
Obyekt birinci mərhələdə illik 2,5 tona qədər qızıl istehsal gücü ilə fəaliyyət göstərəcək. 3 il ərzində görüləcək işlər ilə obyektdə illik istehsal həcmi təxminən 6,5 tona yüksələcək".
Dövlət başçısı Ərdoğan Qara dənizdə aşkar edilən 710 milyard kubmetr təbii qaz ehtiyatına toxunaraq deyib:
“Millətimiz qarşısında vəd etdiyimiz kimi mart ayının sonundan etibarən Qara dəniz qazını ev təsərrüfatlarına çatdırmağa başlayırıq”.
Adana və Cizrədəki kəşflərlə neft hasilatını artırdıqlarını vurğulayan prezident deyib:
“Mersində Akkuyu Atom Elektrik Stansiyasının tikintisi fasiləsiz olaraq davam edir. Cari il AES-imizin birinci blokunda elektrik enerjisi istehsalına başlayırıq”.
Mənbə: sia.az