Aşqabad, 24 avqust, AZƏRTAC
Sinqapurun “GP Global Equipment Pte” Ltd şirkəti Türkmənistanda qaz kompressor stansiyası inşa edəcək.
AZƏRTAC xəbər verir ki, “Türkmənqaz” Dövlət Konserni ilə “GP Global Equipment Pte” Ltd arasında Mərkəzi Qaraqumdakı qaz kondensat yataqlarının “Zäkli-Derweze” qaz təmizləyici qurğusunda illik gücü 2 milyard kubmetr olan qaz kompressor stansiyasının layihələndirilməsi və tikintisi ilə bağlı müqavilə imzalanacaq. Türkmənistan Prezidenti bununla bağlı sənədi imzalayıb.
Tikintisi 2019-cu ilin sentyabrında başlayacaq stansiyanın 2022-ci ilin fevralında istismara verilməsi planlaşdırılır.
İlahə Əhmədova
AZƏRTAC-ın xüsusi müxbiri
Aşqabad
Mənbə: azertag.az