Ölüm hökmü verilən biznes-ledi ilə bağlı şok faktlar: Görün nələr edib

Ölüm hökmü verilən biznes-ledi ilə bağlı şok faktlar: Görün nələr edib

Vyetnam məhkəməsi daşınmaz əmlak maqnatı Çıonq Mi Lanı ölkə tarixində ən böyük maliyyə fırıldaqçılığı işində iştirakına görə ölüm cəzasına məhkum edib.

Publika.az xəbər verir ki, bu barədə yerli “Thanh Nien” nəşri məlumat yayıb.

Biznes-ledi 12 milyard dollardan çox vəsaiti mənimsəməkdə, korrupsiyada və bank kreditlərinin verilməsi qaydalarını pozmaqda ittiham olunur. O, mənimsəmə ittihamı ilə ölümə və digər maddələrin hər biri üzrə 20 il həbs cəzasına məhkum edilib. Ailə üzvləri bildiriblər ki, Lan məhkəmənin qərarından apellyasiya şikayəti verəcək.

Çıonq Mi Lan inkişaf şirkəti “Van Thinh Phat Holdings Group”-un sədridir. Müstəntiqlərin fikrincə, o, “Van Thinh Phat” və digər şirkətlərə qeyri-qanuni kreditlər verməklə ölkənin ən böyük Saigon Kommersiya Bankını (SCB) demək olar ki, tamamilə ələ keçirə bilib. Eyni zamanda, bu bankın səhmdarlarına onun aktivlərinin beş faizindən çox olmayaraq alışına icazə verilir.

Təqsirləndirilən şəxsin vəkilləri onun bankın cəmi 15 faiz səhmlərinə nəzarət etdiyini və orada rəhbər vəzifə tutmadığını israr ediblər ki, bu da mənimsəmə ittihamlarının əsassız olması deməkdir. Lakin məhkəmədə bankın əsas səhm sahibləri olan şahidlər sahibkarın adından çıxış etdiklərini bildiriblər.

Verilmiş kreditlərin ümumi məbləği 44 milyard dollar təşkil edib ki, bu da 2012-2022-ci illər arasında bütün kreditlərin 90 faizindən çoxunu təşkil edib. Bunun təxminən 12 milyardı “Van Thinh Phat”a gedib.

Tural

Mənbə: publika.az