Dünya "Subaylar günü"nü qeyd etməyə hazırlaşır

Noyabrın 11-də dünyada növbəti dəfə "Subaylar günü" qeyd olunacaq.

"Report" xəbər verir ki, günün əsas təşkilatçısı yenə də Çinin elektron ticarət nəhəngi "Alibaba"dır.

Şirkət həmin gün xüsusi endirimlər tətbiq edərək adi günlərlə müqayisədə təxminən 20% çox - 37 milyard ABŞ dolları gəlir əldə etməyi planlaşdırır. Bunun üçün köhnə mallarla yanaşı, 1 milyon yeni məhsul 80%-90%-ə qədər endirimlə internetdə satışa çıxarılacaq.

Bu il ilk dəfə "Alibaba"nın törəməsi "Aliexpress"in Rusiya, Türkiyə, İtaliya və İspaniyadakı bölmələri də rəsmi qaydada "11.11" endirimlərinə qatılacaqlar.

Xatırladaq ki, "Subaylar günü"nü ilk dəfə 1993-cü ildə çinli tələbələr qeyd edib. 2000-ci illərdə bu gün 14 fevral "Sevgililər Günü"nə etiraz olaraq bütün dünyaya yayılıb.

Report.az

ƏVVƏLKİ XƏBƏR

Gürcüstanda xüsusi əməliyyat keçirildi - məmurlar həbs olundu

SONRAKI XƏBƏR

Rusiya XİN: Masis Mayilyan və Lernik Hovhannisyanın Moskvaya səfəri şəxsi xarakter daşıyıb