Qazı olmayan ölkələrdə LPG Azərbaycandan ucuzdur

Xəbər verdiyimiz kimi, Azərbaycanda yanacaqdoldurma məntəqələrində satılan maye qazın (LPG) qiyməti artıq bir aydır 45%-ə yaxın qaldırılıb.

Yeniavaz.com xəbər verir ki, əvvəllər 1 litri 45 qəpiyə satılan LPG hazırda 65 qəpiyə satılır.

Maraqlıdır ki, topdansatış qiyməti Tarif Şurası tərəfindən müəyyənləşdirilən LPG-nin qiymətində hər hansı bir dəyişiklik olmasa da, yanacaqdoldurma məntəqələri tələbatın artdığını və yanacaq çatışmazlığını əsas gətirərək qiyməti qaldırıblar.

Qeyd edək ki, Azərbaycandan fərqli olaraq qaz istehsalçısı olmayan və LPG-ni xaricdən idxal edən bəzi region ölkələrində qiymət ölkəmizlə müqayisədə aşağıdır.

Maraqlı olacağını nəzərə alaraq Avropa ölkələrində 1 litr LPG-nin mövcud qiymətlərini təqdim edirik:

- Avstriya - 0,77 avro

- Azərbaycan - 0,35 avro

- Albaniya - 0,51 avro

- Ermənistan - 0,33 avro

- Belarus - 0,39 avro

- Belçika - 0,55 avro

- Bolqarıstan - 0,46 avro

- Böyük Britaniya - 0,71 avro

- Macarıstan - 0,71 avro

- Almaniya - 0,61 avro

- Yunanıstan - 0,81 avro