ADY Kart adı altında sosial mediada saxta səhifələr açılıb.
Bu barədə Azərbaycan Dəmir Yolları QSC-dən (ADY) bildirilib.
Qeyd edilib ki, bu səhifələr “il ərzində məhdudiyyətsiz səyahət təklifi ilə ilkin satış qiymətinə smart kart” kimi yalan məlumatlar yayaraq istifadəçiləri aldadır və bank kartı məlumatlarını mənimsəyir:
“Təhlükəsizliyinizi qoruyun:
• ADY-nin rəsmi səhifələrini izlədiyinizə əmin olun.
• Şəxsi məlumatlarınızı paylaşmadan əvvəl səhifənin etibarlılığını yoxlayın.
• Yalnız rəsmi mənbələrdən məlumat əldə edin.
Bank məlumatlarınızı heç kimlə paylaşmayın”.
Vətəndaşlardan şübhəli hallarla qarşılaşdıqda dərhal aidiyyəti qurumlarla və ya 18 22 “Qaynar xətt”lə əlaqə saxlamaq xahiş edilib.
Mənbə: bizim.media
scorpion.az