Koronavirus və onun gətirdiyi qadağaların biznesə təsirini azaltmaq üçün hökumətin müzakirə etdiyi bəzi tədbirlər məlum olub.

İlham Əliyev: "Təkliflər hazırlanır, biz mütləq iş adamlarına sahib çıxacağıq"

FED.az xəbər verir ki, bunlar kreditlərin vaxtının uzadılması, ana borcun saxlanaraq, faizlərin subsidiyalaşması və sairdir: «Sahibkarların xeyrinə olan ən yaxşı təcrübələr nəzərdən keçirilir. Ən yaxşı təcrübələr tətbiq ediləcək və yaxşı mühit yaradılacaq. Bütün məsələlər araşdırılıb, çoxsaylı görüşlər keçirilib və onların əsasında bu günkü situsiyanı da nəzərə almaqla ən yaxşı yumşaldıcı təkliflər nəzərə alınacaq»-deyə bildirilir.

Vergi bəyannaməsi və vergi ödənişinin - MÜDDƏTİ UZADILDI - RƏSMİ AÇIQLAMA

Bundan başqa, bildirilir ki, hazırda işçilərin maaşlarının dövlət tərəfindən ödənilməsi ilə bağlı məsələyə baxılır, bu məsələ Əmək və Əhalinin Sosial Müdafiəsi nazirinin rəhbərliyi ilə işçi qrupunda da müzakirə edilir.

Bununla yanaşı, rəsmilər bildirir ki, dəstək tədbirləri zamanı ilk növbədə şəffaf işləyənlərə üstünlük veriləcək: «Mart ayı üzrə hesabatlar təhlil olunacaq və bu mexanizmlər ilk növbədə vicdanlı vergi ödəyiciləri, vergini yaxşı ödəyənlərə münasibətdə tətbiq ediləcək. Qanuna dəyişiklik, vergi tətilləri, kredit şərtlərinin yumşaldılması və dövlət satınalmalarında yerli şirkətlərə üstünlüklər müzakirə olunur».

Xüsusi vurğulanır ki, dövlət bu dövrdə vətəndaşları işsiz qoymayan sahibkarlara dəstək olacaq.

Vergi hesabatlarının gecikməsinə görə cərimələrə gəlincə, rəsmilər bildirib ki, vergilərlə bağlı sanksiyalardan söhbət gedə bilməz. Yeri gəlmişkən, artıq Vergilər Nazirliyi vergi bəyannatmələrinin verilməsi və vergi ödənişi müddətini martın 31-dən aprelin 6-dək uzaldıb.

Bundan başqa, bildirilib ki, sosial ödəmələrlə bağlı yükün azaldılması da müzakirə edilir, xüsusilə mikro və sabit qəbzlə işləyənlər üçün.

Mənbə: fed.az