“Yayda-payızda nə yeyəcəyik?!” - İqtisadçı

“İndi fermerlərin işi çətindir, rayonlararası hərəkət də məhdudlaşıb, indi isə aqrar sahədə ən vacib dönəmdir - əkin vaxtıdır, toxum, kübrə, texnika lazımdır. Rayonlararası hərəkətliliyin azalması, karantin dönəminin sərtləşməsi aqrar sektora təsir etməməlidir. Hökumət olaraq bu sahədə ciddi iş rejimi qurulmalıdır, indi axsama olsa, əkin ləngisə yayda-payızda nə yeyəcəyik?!”

Pravda.az-ın xəbərinə görə, bunu iqtisadçı Natiq Cəfərli deyib.

N.Cəfərli qeyd edib ki, dövlətlər ərzaq idxalını sərtləşdirir: “Rusiya taxıl ixracını dövlət icazəsinə bağladı, digər ölkələr də bənzər addımlar atacaq - buna hazır olmalıyıq. Hələ ki, Dövlət Taxıl Fondunda 3-4 aylıq ehtiyatımız var - bu yaxşıdır, ümumiyyətlə belə bir fondun yaradılması doğru qərar idi, amma bu virus bəlası daha uzun çəksə buna hazır olmaq üçün mütləq indi aqrar sektora tam dəstək verilməlidir. Prioritetlər dəyişməlidir - pambığın yerinə bu il taxıl, kartof, soğan, mal-qara üçün yemlik, qarğıdalı əkilməlidir. Fermerlərə pulsuz yanacaq, toxum, kübrə verilməlidir. Bu ciddi işdir, tez, operativ, effektiv qərarlar alınmalıdı...”

Pravda.az

ƏVVƏLKİ XƏBƏR

İki yığma Tokio Olimpiadasına buraxılmayacaq

SONRAKI XƏBƏR

AzTV "Lələtəpə əməliyyatı" filmini təqdim etdi - EFİRDƏ İLK DƏFƏ + VİDEO