Dünyanın ən böyük avtomobil icarəsi şirkətlərindən biri olan “Hertz” koronavirus pandemiyası ilə əlaqəli böhran səbəbiylə iflas etdiyini elan edib.

“Qafqazinfo”nun “RİA Novosti “yə istinadən xəbərinə görə, şirkətin açıqlamasında deyilir ki, Hertz Global Holdings və onun ABŞ və Kanadadakı bir sıra törəmə şirkətləri iflasa uğrayıb.

Açıqlamada pandemiyanın gəlirlərin kəskin azalmasına və sifarişlərin azalmasına səbəb olduğu izah edilir. Bununla yanaşı, şirkət yenidən qurulana qədər bütün ofis və saytlarının müştərilərə xidmət göstərməyə davam edəcəyini bildirib.

Mənbə: qafqazinfo.az