Özəlləşdirmədən gəlirlər proqnozdan 43 faiz çox olub

Özəlləşdirmədən gəlirlər proqnozdan 43 faiz çox olub

2019-cu ildə dövlət əmlakının, özəlləşdirilən dövlət müəssisə və obyektlərin altındakı torpaqların icarəyə verilməsindən dövlət büdcəsinə 11 440,3 min manat vəsait daxil olub.

Bu barədə “2019-cu il dövlət büdcəsinin icrası haqqında” qanun layihəsinə istinadən xəbər verilib. Bildirilib ki, bu da 2018-ci ilin icra göstəricisindən 1 573,4 min manat və ya 15,9 faiz çoxdur.

Qeyd edək ki, 2019-cu ildə dövlət büdcəsinə dövlət əmlakının, özəlləşdirilən dövlət müəssisə və obyektlərin altındakı torpaqların icarəyə verilməsindən 8 ilyon manat proqnozlaşdırılırdı. Bu da icranın proqnozdan 3 440,3 min manat və ya 43 faiz artıq icra olunduğunu göstərir.

V.BAYRAMOV,

“Xalq qəzeti”

Mənbə: xalqqazeti.com