Bu il Fransa iqtisadiyyatının COVID-19 pandemiyası fonunda 11% azalacağı gözlənilir.

"APA-Economics"in "Reuters"ə istinadən verdiyi məlumata görə, bunu Fransanın Maliyyə naziri Bruno Le Mer bildirib.

Onun sözlərinə görə, pandemiya dövründə ölkə əhalisinin sağlamlığını qorumaq üçün effektiv tədbirlər görüldü, lakin son üç aydır ölkə iqtisadiyyatı resessiyadadır. Nazir əlavə edib ki, bundan əvvəlki iqtisadi azalma üzrə proqnoz 8% idi.

Qeyd edək ki, "Fitch Ratings" beynəlxalq reytinq agentliyinin son proqnozuna görə, 2020-ci ildə Fransa iqtisadiyyatı 9% azalacaq.

Mənbə: apa.az