Türkiyənn “Aksa Energy” şirkəti Daşkənddə birləşdirilmiş dövriyyə gücü 240 MVt olan yeni bir qaz stansiyası inşa edəcək.

KONKRET.az-ın Mərkəzi Asiya ölkələri üzrə bürosu xəbər verir ki, layihə şirkətin Özbəkistan Energetika Nazirliyi ilə imzaladığı müqavilə əsasında həyata keçirilir.

COVID-19 pandemiyasına baxmayaraq, şirkət stansiyanın tikintisini bir ildə başa çatdırmaq niyyətindədir. İşin sürətləndirilməsi üçün şirkətin bəzi mütəxəssislərinin digər ölkələrdən Özbəkistana köçürülməsi planlaşdırılır.

Layihə “dövlət-özəl tərəfdaşlığı”nın müasir investisiya modeli əsasında həyata keçirilir. Özbəkistan tərəfi zavodu təbii qazla təmin etmək və onun yaratdığı elektrik enerjisini almaq zəmanətini öz üzərinə götürmüşdür.

Mənbə: konkret.az