Bakı, 30 iyun, AZƏRTAC

Azərbaycan Memarlıq və İnşaat Universitetinin bir qrup tələbəsi “British Council” şirkətinin təşkil etdiyi onlayn ingilis dili kurslarını müvəffəqiyyətlə başa vurub.

Universitetdən AZƏRTAC-a bildirilib ki, 4 aydan artıq davam edən kurslarda ingilis dili səviyyələrini daha da inkişaf etdirən 19 tələbəyə şirkətin Azərbaycan nümayəndəliyi tərəfindən sertifikatlar verilib. 3 tələbə isə 2-ci sertifikat üçün onlayn dərslərə davam edir.

Xatırladaq ki, “British Council” şirkəti mütəmadi olaraq dil səviyyələrini inkişaf etdirmək istəyənlər üçün belə imkanlar yaradır. Onlayn dil kurslarından təkcə azərbaycanlı tələbələr deyil, MDB ölkələrində yaşayan gənclər də yararlana bilir.

Mənbə: azertag.az