"Xalq bir-birinin belinə minir"

"Əvvəllər Kapital Bankın pensiya kartlarına mədaxil emək mümkün idi. Çox rahat istifadə edilirdi. Yəni kimsə başqasına pul göndərmək istəsə, kartın nömrəsini qeyd etməklə MilliOn aparatından kart cash-in edərdi və kart sahibi ən yaxın bankomatdan pulu rahat şəkildə çəkə bilirdi. Amma, bizim ağıllı hökümətimiz 1 iyuldan etibarən həmin kartlara mədaxilə məhdudiyyət qoyub. Yeni qaydalara görə, belə köçürmələr yalnız bankla göndərilməlidir və yaxud da avqust ayının 1-dən etibarən kart sahibi banka yaxınlaşıb, ərizə-blankı doldurduqdan sonra xidmətdən istifadəni aktiv edə bilər. Burda məqsəd nədir?
Heç kəsə sirr deyil ki, "Kapital Bank"ın filiallarının qarşısı virus mənbəyidir, orda yarana növbələrdə xalq bir-birinin belinə minir. İndi pul köçürmələrinin qarşısını alıb, əhalini virusa yoluxdurmaq istəyirlərmi?".


Pravda.az-ın xəbərinə görə, bunu iqtisadçı Qubad İbadoğlu deyib.

"Kapital Bank deyir ki, yeni dəyişiklik Əmək və Əhalinin Sosial Müdafiəsi Nazirliyindən gəlib, bizlik deyi. Başqa bir məlumata görə, Mərkəzi Bank sosial kartlara mədaxillə bağlı bütün banklara təlimat göndərib ki, bu tip kartlarla edilən əməliyyatlar zamanı müştərilərin dövriyyəsini eyniləşdirə bilmirlər, bu maliyyə monitorinqi ilə bağlı risklər yaradır. Başa düşülən odur ki, Mərkəzi Bank belə kartlar vasitəsilə xarici saytlarda alış-veriş zamanı valyuta çıxışına da nəzarət etmək istəyir" - Q.İbadoğlu qeyd edib.

Pravda.az

ƏVVƏLKİ XƏBƏR

Bakını dəhşətli qoxu bürüdü: Ekologiya Nazirliyindən ilk açıqlama

SONRAKI XƏBƏR

Sumqayıt Pandemiya Xəstəxanasının koordinatorundan şəhər sakinlərinə MÜRACİƏT