Bank Melli İran Bakı filialı 2020-ci ilin 1-ci yarısında kiçilib.

Primetime.az Marja-ya istinadən xəbər verir ki, 30 İyun 2020-ci il tarixində filial 83 milyon 981 min manat cəmi aktivlərə malik olub. Ötən ilin sonu ilə müqayisədə cəmi aktivlər 14 milyon 737 min manat və ya 15% azalıb. Bank Melli İran Bakı filialı 31 Dekabr 2019-cu il tarixində 98 milyon 718 min manat cəmi aktivlərə məlik idi. Azlama nağd pul vəsaitlərinin və qiymətli kağızlara investisiyaların azalması ilə bağlıdır.

İlk 6 ayda filial tərəfindən müştərilərə verilən kreditlər 727 min manat artaraq 4 milyon 911 min manata yüksəlib.

Bank Melli İran Bakı filialı maliyyə institutları qarşısında öhdəliklərini 14 milyom 561 min manat azaldaraq 17 milyon 177 min manata endirib və bu da aktivlərdə nağd pul vəsaitləri və digər banklardakı müxbir hesabların azalmasına səbəb olub.

2020-ci ilin yanvar-iyun dövründə Bank Melli İran Bakı filialının yığılmış zərəri 462 min manat azalraq 36 milyon 557 min manata düşüb.

Yığılmış zərərin azalması 462 min manat xalis mənfəət hesabınadır.

Mənbə: primetime.az