Azərbaycanın tanınmış istirahət və əyləncə məkanlarından olan «Megafun»un bir neçə il əvvəl bağlanmış və hazırda ləğv etmə mərhələsində olan «Bank Standard»a 18 milyon manat kredit borcu var.

FED.az xəbər verir ki, «Bank Standard» bu krediti «Familyland» MMC-yə («Megafun» MMC-nin əvvəlki adı) 2015-ci ildə ayırıb. 27 oktyabr 2015-ci il tarixində imzalanmış kredit müqaviləsinə görə, bank əyləncə mərkəzinə illik 6,5%-lə 18 milyon msanati kredidit ayırıb. Kreditin təminatı olaraq «Megafun»un sahibi Babək Babayev öz obyektlərini girov qoyub. Kredit 1,5 illiyə verilib və artıq 10 fevral 2017-ci ildə bağlanmılı imiş. Amma indiyək ödənilmədiyinə görə, «Bank Standard»ın ləğvedicisi olan Əmanətlərin Sığortalanması Fondu əyləncə mərkəzini və Babək Babayevi məhkəməyə verib.

Məsələyə Bakı Kommersiya Məhkəməsində baxılır.

Mənbə: fed.az