Bakı, 15 avqust, AZƏRTAC
Cari ildə Azərbaycanda ən çox idxal əməliyyatları fevralda aparılıb.
Dövlət Gömrük Komitəsindən AZƏRTAC-a bildirilib ki, bu il idxal əməliyyatlarının ən yüksək göstəricisi fevralda, ən aşağı göstəricisi isə yanvarda qeydə alınıb. Belə ki, fevralda idxal əməliyyatlarının dəyəri 1 milyard 66,7 milyon ABŞ dolları, yanvarda isə 721 milyon dollar təşkil edib.
Qeyd edək ki, cari ilin 7 ayında ölkədə idxalın dəyəri 5 milyard 900,7 milyon dollar olub.
AZERTAG.AZ :Cari ildə Azərbaycanda ən çox idxal əməliyyatları fevralda aparılıb
Mənbə: azertag.az