"Uşaq Allahın hədiyyəsidir, məni qınamasınlar"

10 il əvvəl türkiyəyə gələn və məşhurlaşan aktrisa Məryəm Üzərli şəxsi həyatı ilə bağlı açıqlamalar verib.

Axşam.az xəbər verir ki, qızı Lara ilə Almaniyada yaşayan və orada bir kafe açan aktrisa hazırda ikinci övladının dünyaya gəlməsini gözləyir.

"karantində 24 saat qızımla bir yerdə idim. Sadəcə market və aptek lazım olanda küçəyə çıxırdıq. Hər şey dayandı, biz olanları anlamağa çalışırdıq" deyə, aktrisa söyləyib.

Üzərli bildirib ki, qızı onun aktrisalıq etməsini istəmir:

"İşimə görə çox səyahət etmişəm. Lara mənə bunu irad tutub. Deyir ki, niyə aktrisa oldun? Onun fikrincə aktrisa olmaq çox səyahət etmək deməkdir. Deyir ki, bankda işləyərdin, müəllim olardın saat 5-dən sonra evə gələrdin. Bütün bu iradların ardından deyir ki, mən də aktrisa olmaq istəyirəm".

Aktrisa sevgi haqda da danışıb. O, "Heç bir zaman yalnız olmadım. İndi də tək deyiləm. Həyatımda biri var. Amerikalıdır, Almaniyaya gəlib. İndi bizə görə burada yaşayır. Uşaq da Allahdan mənə bir hədiyyədir, məni qınamasınlar. Toy hələ ki, istəmirəm. 20-30 adam çağırıb, maskalı toy edən deyiləm" deyə, bildirib.

Aktrisa karantin bitən kimi Türkiyəyə qayıdıb, filmlərə çəkiləcəyini də gizlətməyib.

Axsam.az

ƏVVƏLKİ XƏBƏR

Sumqayıt sakini tanımadığı şəxs tərəfindən bıçaqlanıb

SONRAKI XƏBƏR

Dünya belə yox olacaq — Baş verəcək DƏHŞƏTLƏR AÇIQLANDI — VİDEO