Bu gün xalq artisti Xalidə Quliyevanın doğum günüdür

Bugün Azərbaycan kino aktrisası, Azərbaycan Respublikasının Xalq artisti Xalidə Quliyevanın doğum günüdür.

Xalidə Camal qızı Quliyeva ( 24.09.1952) – ali məktəbə qəbul olunduqdan sonra Lütfi Məmmədbəyovun xalq teatrında çalışmağa başlayıb. 1974-cü ildə Azərbaycan Dövlət İncəsənət İnstitutunun (indiki ADMİU) Dram və kino aktyorluğu fakültəsini bitirib. 1973-1976-cı illərdə institutun nəzdindəki “Səda” Tədris Teatrında çalışıb. 1972-ci ildən “AzərbaycanFilm” kinostudiyasında aktrisa kimi fəaliyyət göstərib. “AzərbaycanFilm” kinostudiyasının nəzdində fəaliyyət göstərən kinoaktyor teatr studiyasında çalışıb.

Validə (“Qızıl qaz”),

Fatimə (“Nəsimi”),

Solmaz (“Bakıda küləklər əsir”),

Milli (“Tütək səsi”),

Tibb bacısı (“Şahid qız”),

Xalidə (“Xoşbəxtlik qayğıları”) və b. rollarda çəkilib.

Lider TV-nin həyata keçirdiyi çoxseriyalı bədii televiziya və sənədli filmlərin dublajında aktrisa kimi iştirak edir.

Xalq artisti Azərbaycan Respublikası Kinematoqrafçılar İttifaqının üzvüdür.

Xalidə Quliyeva indiyədək bir sıra fəxri ad və mükafatlara, o cümlədən 31.07.2019-cu ildə Azərbaycan kinematoqrafiyasının inkişafında xidmətlərinə görə Xalq artisti fəxri adına layiq görülüb.

Xalidə xanımı təbrik edir, yeni yaradıcılıq uğurları arzulayırıq!

 

 

Moderator.az

ƏVVƏLKİ XƏBƏR

"Ramiz Mehdiyevin göstərişi olmadan Elşad Abdullayevin bioqrafiyası Azərbaycan Milli Ensiklopediyasına salına bilərdimi?"

SONRAKI XƏBƏR

Erməni mətbuatı: Ermənistan ordusu bu torpaqlarımızdan çıxır – Video