Xəbər verdiyimiz kimi müğənni Rəhim Rəhimli “7 canlı” proqramında açıqlama verərək deyib ki, rəqqasələr Fatimə Fətəliyeva və Oksana Rəsulovanı ilk dəfə efirə mən çıxarmışam.

Moderator.az-ın əməkdaşı məsələylə bağlı Oksana Rəsulovayla əlaqə saxlayıb. Rəqqasə saytımıza açıqlamasında bunu təsdiqləyib:

“Rəhim mənim çox yaxın dostumdur və həqiqətən də ilk dəfə onun verilişinə çıxmışam. Mən Rusiyadan Azərbaycana gələndə mənə ilk dəfə türk prodüser Cem Üçden pulsuz prodüserlik etdi. Bir neçə müsahibələrim, layihələrim oldu. İlk dəfə Cemin təşəbbüsü ilə Rəhim Rəhimlinin verilişinə dəvət olundum. Rəhim məni çox yaxşı qəbul etdi, çox sağ olsun. Bundan sonra bir çox verilişlərə çıxmağa başladım və Rəhimin də verilişində bir neçə dəfə qonaq oldum”.

Qeyd edək ki, rəqqasə Fatimə Fətəliyeva isə məsələyə münasibət bildirmək istəməyib.

Vasif Əlihüseyn

 

 

Mənbə: moderator.az