Böyük Britaniyada Oksford və Kembric şəhərlərini birləşdirəcək yeni dəmir yolu xəttinin tikintisi zamanı aparılan arxeoloji qazıntılar zamanı qədim Roma dövrünə aid qiymətli tapıntılar aşkarlanıb.
Arxeoloqlar ərazidə Roma sikkələri, keramika nümunələri, qədim yaşayış məskəninin və kənd təsərrüfatı fəaliyyətinin izlərini üzə çıxarıblar.
Ən diqqətçəkən tapıntı isə təxminən 1740 il yaşı olan, üzərində Roma imperatoru Karausinin (Carausius) adı həkk edilmiş nadir sikkə olub.
Tapıntının rəsmi dəyəri açıqlanmasa da, mütəxəssislər belə nadir nümunələrin hərraclarda yüksək məbləğə satıla biləcəyini bildirirlər.
Mənbə: bizim.media
scorpion.az