Məşhur müğənni aktyor sevgilisi barədə: “Mənə kişilərin gözlərinə baxmağı qadağan etmişdi”

Məşhur müğənni aktyor sevgilisi barədə: “Mənə kişilərin gözlərinə baxmağı qadağan etmişdi”

Daha çox “FKA twigs” kimi tanınan britaniyalı müğənni Talia Debrett Barnett münasibətdə olduğu aktyor Şay LaBaf tərəfindən emosional istismarının təfərrüatını açıqlayıb.

Bu barədə “BBC News” xəbər yayıb.

Müğənninin sözlərinə görə, ofisiantla nəzakətli davranışı belə LaBafı qəzəbləndirə bilərdi. O, bunda ifaçının “bir növ münasibət qurma cəhdi” görürdü.

İfaçı keçmiş sevgilisinin ona kişilərin gözlərinə baxmağı qadağan etdiyini bildirib.

“Mənə deyirdi ki, onu sevirəmsə, başqa kişilərin gözlərinə baxmamalıyam”, - deyə sənətçi etiraf edib.

Barnettin sözlərinə görə, bu səbəbdən küçədə gedərkən ancaq ayaqlarının altına baxmağa başlayıb, həmçinin dostları və yaxınları ilə ünsiyyətdən çəkinib.

Müğənni həyatının tamamilə cədvəlləşdiyini deyib, hətta aktyor gündə müəyyən sayda öpüş gözləyib.

“Bəzən isə o, məni gecə yuxudan oyandıra və hər şeyə görə ittiham edə bilərdi: Tavana baxmaqda günahlandırırdı, çünki onu tərk etməyin yolunu düşünürmüşəm. Məni başqası ilə olmaq istəməyimdə ittiham edirdi. Bütün bu söhbətlət səhər dörddən yeddiyə qədər olurdu”.

Barnett bu münasibətə görə onda posttravmatik stress vəziyyətinin inkişaf etdiyini və gecə panik tutmaların keçirdiyini bildirib.

Qeyd edək ki, 2020-ci ilin dekabr ayında FKA LaBafı məhkəməyə verib. İddiaya görə, bir il davam edən romanları zamanı aktyor dəfələrlə onu təhqir edib, fiziki və mənəvi zorakılığa məruz qoyub və qəsdən cinsi yolla keçən xəstəliyə yoluxdurub.

Artist müğənni Sia tərəfindən dəstəklənib. O da LaBafın emosional istismarının qurbanı olduğunu etiraf edib.  

 

Mənbə: oxu.az