Səməd Səmədovun ölümü: Elə qəfil baş verdi ki...

Səməd bəy bir gün əvvəl "Yeni Klinika"da dünyasını dəyişib. Bir həftə idi ki, xəstələnmişdi. Dünən halı yaxşı idi, sonuncu dəfə saat 3-4 radələrində danışdıq. Sonradan halı pisləşib və ailəsi xəstəxanaya yerləşdirməyə qərar verdi. Dedilər ki, böyrək çatışmazlığı var, ciyəri sıradan çıxıb. Həkim Emil Qasımov xəbər verdi ki, onu artıq itirmişik.

Kult.az xəbər verir ki, bu sözləri Publika.az-a açıqlamasında müğənni Tural Qismət danışıb.

Yaxın dostunun qəfil ölümündən sarsıldığını deyən Tural Qismət bildirib ki, xalq artistinin əvvəllər səhhəti ilə bağlı heç bir problemi olmayıb:

"COVID-19-a yoluxması nəticəsində vəziyyəti ağırlaşıb. Ölümü elə qəfil baş verdi ki, ailəsinə heç bir vəsiyyət etməyə imkanı olmadı. Heç kim gözləmirdi ki, dünyasını dəyişə bilər. Bu, çox böyük itkidir. Səməd bəy mənə həmişə böyük qardaşlıq edib, sənətə gətirib, efirə çıxardıb. Bütün bunlara görə ona borcluyam. Vida və dəfn mərasimi haqqında heç nə deyə bilməyəcəm. Oğlu Anar axşam Moskvadan gəlməlidir".

Axar.az

ƏVVƏLKİ XƏBƏR

Qazaxıstan koronavirusun yayılmasına görə yenidən "qırmızı" zonaya daxil olub

SONRAKI XƏBƏR

Bu nazirlik ləvğ olunur - Yerində agentlik yaradılacaq