İkinci Göytürk Xaqanlığının qurucusu İltəriş Kutluq Xaqana aid olduğu düşünülən daş kitabənin təqdimatı olacaq

Beynəlxalq Türk Akademiyasının Monqolustanda həyata keçirdiyi arxeoloji tədqiqatlar nəticəsində aşkar olunan İkinci Göytürk Xaqanlığının qurucusu İltəriş Kutluq Xaqana aid olduğu düşünülən abidə kompleksi və daş kitabənin oktyabrın 4-də Bakı Dövlət Universitetində təqdimatı və fotosərgisi təşkil olunacaq.

Tehsil.biz xəbər verir ki, daş kitabənin özəlliyi “Türk” adının türkdilli tarixi qaynaqlarda qeydə alındığı ilk mənbə olmasıdır.

Digər önəmli məqam kitabənin ötən əsrin sonlarında Orxon abidələrinin (Bilgə Xaqan, Kültegin, Tonyukuk) Qərb mütəxəssisləri tərəfindən kəşfi və tədqiqindən 130 il sonra Türk Akademiyasının alimləri tərəfindən kəşf edilməsi və oxunmasıdır.

Abidənin kəşfi türk yazı tarixi və əlifbasının düşünüləndən daha qədim olduğunu isbat edir.

Tehsil.biz

ƏVVƏLKİ XƏBƏR

Xalça yuma üçün getdiyi evdə qadının əri tərəfindən DÖYÜLDÜ - VİDEO

SONRAKI XƏBƏR

Kraliçanın dəfni zamanı xidmətdə olan əsgərin meyiti TAPILDI