Xalq artisti, dirijor Rauf Abdullayevin 85 illiyi qeyd ediləcək

 

Bakı, 25 noyabr, AZƏRTAC

Dekabrın 2-də Müslüm Maqomayev adına Azərbaycan Dövlət Akademik Filarmoniyasında Xalq artisti, Azərbaycan Dövlət Simfonik Orkestrinin bədii rəhbəri və baş dirijoru Rauf Abdullayevin 85 illiyinə həsr olunmuş yubiley gecəsi keçiriləcək.

AZƏRTAC xəbər verir ki, gecədə Üzeyir Hacıbəyli adına Azərbaycan Dövlət Simfonik Orkestri (dirijorlar Fuad İbrahimov, Mustafa Mehmandarov) çıxış edəcək.

Qeyd edək ki, 1959-cu ildə Ü.Hacıbəyov adına Аzərbаycаn Dövlət Kоnservаtоriyаsını və 1965-ci ildə isə Leninqrаd Dövlət Kоnservаtоriyаsını dirijоrluq üzrə bitirən Rauf Abdullayev 1965–1968-ci illərdə M.F.Ахundzadə аdına Аzərbаycаn Dövlət Оperа və Bаlet Teаtrının dirijоru, 1968–1984-cü illərdə baş dirijoru, 1984-cü ildən Ü.Hаcıbəyоv adına Аzərbаycаn Dövlət Simfonik Orkestrinin bədii rəhbəri və bаş dirijоru, 1991–1997-ci illərdə Аnkаrа Dövlət Оperа və Bаlet Teаtrının bədii rəhbəri və bаş dirijоru, həmçinin beynəlхаlq əhəmiyyətli musiqi festivаllаrının, eləcə də layihələrin iştirаkçısı оlub. 20 ildən artıq bir müddətdə teatrın baş dirijoru kimi 30-a yaxın opera və balet tamaşalarına dirijorluq edib. Eyni zamanda bir çох ölkələrdə (Rusiya, Almaniya, Hollandiya, İsveçrə, Fransa, Türkiyə, Misir, ABŞ, İtaliya, Dubay və s.) məşhur kоllektivlərə dirijоrluq edib. Onun repertuarına qərbi Avropa, rus və Azərbaycan bəstəkarlarının əsərləri də daxildir.

 

Azertag.az

ƏVVƏLKİ XƏBƏR

Prezidentdən önəmli mesajlar: Azərbaycanla heç kim zor gücü ilə danışa bilməz

SONRAKI XƏBƏR

DYP: "Paytaxtdakı Texniki Müayinə Mərkəzləri fasiləsiz xidmət göstərəcək"