“Aşk-ı Memnu” serialı ilə məşhurlaşan Fatma Karanfil komaya düşüb.

Aktrisa xərçəng xəstəliyindən əziyyət çəkirdi.

Vəziyyəti ağırlaşdığı üçün müalicə aldığı xəstəxananın reanimasiya şöbəsinə yerləşdirilib.

Həkimlər 4-cü mərhələdə xərçəng diaqnozu qoyulan Karanfilin oyanmasının çətin olduğunu bildirib.

Xatırladaq ki, sənətçi karyerasına 1968-ci ildə “Səs jurnalı” müsabiqəsində üçüncü yeri tutmaqla başlayıb. 1976-1980-ci illərdə Londonda təhsil alan Karanfil döş xərçənginə qalib gələrək 2001-ci ildə sənətinə geri qayıdıb. 2008-ci ildə “Kanal D”də yayımlanan “Aşk-ı Memnu” serialındakı "Şayeste" obrazı ilə yenidən gündəmə gələn Karanfil, “Yeşilçam”ın əfsanəvi filmlərindən olan “Keloğlan”, “Kimse Bilmez” serialında da rol alıb.

Gülnar

Mənbə: publika.az