Milli Məclisin Mədəniyyət Komitəsinin sədri Qənirə Paşayeva, tanınmış araşdırmaçı-yazar Vüqar Tofiqli ilə Milli Məclisdə görüşüb.
Cebhe.info xəbər verir ki, Q.Paşayeva V.Tofiqlinin indiyədək qoruduğu, Ağdam Çörək Muzeyinə aid eksponatlarla tanış olub.
Komitə sədri Vüqar Tofiqlinin milli-mənəvi dəyərlərimizə, mədəni irsimizə həssas yanaşmasına bələd olduğunu vurğulayaraq, ona təşəkkür edib, fədakar işində uğurlar arzulayıb.
Eksponatlar içində Muzeyin “Tabel cədvəli”, “Rəy kitabı”, fərqli kitablar, orjinal şəkillər, əlyazmalar, başqa maraqlı əşyalar var və Vüqar Tofiqli onları tutiyə kimi qoruyub, həmişə Ağdamın azad olunacağına, Muzeyin bərpa olunacağına inam hissi ilə yaşayıb.
Belə bir ümumi fikir vurğulanıb ki, Ağdamda ilk bərpa olunacaq yerlərdən biri məhz Çörək Muzeyi və digər mədəni abidlərimiz ola bilər. Bərpa işləri görülərkən də, Çörək Muzeyinin hazırkı dağıdılmış vəziyyəti də nümayiş edilməli, Ermənistanın vandallığı Muzeyə gələcək hər kəs tərəfindən görülməlidir.
Qənirə Paşayeva Ağdam Çörək Muzeyi ilə bağlı arzu, təmənna və planlar barədə Mədəniyyət Nazirliyi rəhbərliyi ilə fikir mübadiləsi apardığını, bütün konstuktiv təkliflərin nəzərə alınacağını bildirib.
Mənbə: cebhe.info
scorpion.az