Cinsini dəyişib ərə gedən bloqer ana olmaq istəyir

Cinsini dəyişib ərə gedən bloqer ana olmaq istəyir

Cinsiyyətini dəyişərək qadın olan və fotbolçu Gökhan Çıraya ərə gedən Selin Ciğerci ana olmaq istəyir.

35 yaşlı məşhur bloqer bildirib ki, ən böyük istəyi övlad sahib olmaqdır.

“Əlbəttə ki, mənim ana olmaq kimi bir şansım yoxdur. Amma Gökhanın ata olmasını çox istəyirəm. Ona görə də xaricdə daşıyıcı ana vasitəsilə ana olmağı düşünürəm. Çünki Türkiyədə bu proses leqal deyil.

Planlarımız alınmasa, Türkiyədə övladlığa uşaq da götürə bilərik. Əgər şərtlər imkan verərsə, istəyimizi həyata keçirmək istəyirik. Ancaq bizə uşaq verib-verməyəcəklərini dəqiq bilmirik. Hazırda uşaqla bağlı xeyli planlarımız var. Amma hələlik heç birinin cavabıbəlli deyil. Bunlarla bağlı araşdırma aparmalıyıq”.

Qeyd edək ki, bloqer aktyabrın 28-də futbolçu Gökhan Çıra ilə ailə qurub.

Selin toyda üç gəlinlik geyinib. Gəlinliklərdən birinin çəkisi 40 kiloqram olub.

Sevinc Yasinqızı

Mənbə: www.oxu.az