Niyaməddin Musayev ölüm xəbərini yayanlar haqda: Şərəfsizliyin son həddidir

Niyaməddin Musayev ölüm xəbərini yayanlar haqda: Şərəfsizliyin son həddidir

Sosial şəbəkələrdə xalq artisti Niyaməddin Musayevin ölüm xəbəri yayılıb. Onun ürək tutmasından dünyasını dəyişdiyi bildirilib.

Məsələ ilə bağlı Oxu.Az-ın əməkdaşı Niyammədin Musayevlə əlaqə saxlayıb.

Zəngimizə cavab verən sənətçi yayılan xəbərlərdən stress və əsəb keçirdiyini bildirib:

“Mənim ölüm xəbərimi kim yayıb axı? Utanmırlar, bu cür cəfəng şeylər yazırlar. Maraqlanıram, amma tapa bilmirəm. Saytına baxış sayı artırmaq üçün bu cür şərəfsizlik edirlər. Mən sağ-salamatam. Bu kimi xəbərləri yayanlar şəxsiyyətsiz və şərəfsizdirlər. Mən onları tapıb məhkəməyə verə bilərəm amma mənliyimə sığışdırmıram.

İnanın, bu, alçaqlığın son həddidir. Hamı gecə-gecə narahat olub, bir-bir mənə zəng vururlar. Telefonum susmur. Öyrənmədən bu cür əsassız bir məlumatı yaymaq əxlaqsızılıq və mənəviyyatsızlıqdır”.

Rəşad Əliyev

Mənbə: www.oxu.az