Əməkdar artist Elza Seyidcahanın oğlu Əkbərlə küsülü olduğu üzə çıxıb.

Oxu.Az xəbər verir ki, sənətçi “Xəzər” televiziyasında yayımlanan “5/5” axşam şousunda qonaq olarkən proqramın aparıcısı Zaur Kamalın “Oğlunuz Əkbərlə 6-7 aydır ki danışmırsız?” sualı Seyidcahanı çıxılmaz vəziyyətə salıb.

Sualdan dili-dodağı quruyan Əməkdar artist cavabı ilə gah nala, gah da ki mıxa vurub:

“Ailəvi surətdə soyuqluq yoxdur. Kürəkənim Elxan dizaynerimdir. Geyimlərimin müəllifi Elxanın özüdür. Əkbər Elxana deyir ki, istəyirəm, anam sadə geyinsin, sən isə onu daha da ekstravaqant geyindirirsən. Əkbər düzgün etmir. Çünki Elza Seyidcahan ailəsini, uşaqlarını, nəvəsini bu imicinin ruzisi ilə ərsəyə gətirib. Mən sənətimin peşəkarıyam. Camaata nümunəyəm. Camahat mənə həsəd aparır. Hətta paxıllıq edirlər. Oğlumla da danışıram, evlərinə də gedib-gəlirəm”.

Qeyd edək ki, Elza Seyidacahanın oğlu Əkbər 2014-cü ilin aprelində Xəyalə adlı xanımla ailə qurub. Uzun müddət cütlüyün övladı olmayıb. Altı ildən sonda Əkbərin Akif adlı oğlu dünyaya gəlib.

 

Rəşad Əliyev

Mənbə: www.oxu.az