Bir müddətdir dijital (rəqəmsal) model Lil Miquela dünya gündəmini zəbt edib. “Qafqazinfo” xəbər verir ki, instaqramda iki milyon izləyicisi olan Lil sonuncu nəslin ikonasına çevrilib.

O, bir neçə gün bundan əvvəl Hollivud ulduzlarının çalışdığı CAA (Creative Artists Agency) agentliyi ilə müqavilə bağlayıb. Şirkət Miquella ilə televiziya, kino və reklam sahələrində birlikdə əməkdaşlıq edəcəyini açıqlayıb.

19 yaşlı model Trevor MakFedris və Sara DeCou tərəfindən yaradılan bir personajdır. Layihə 2016-cı ildə instaqram profilində başladılıb.

Qeyd edək ki, yaradıldığı gündən Lilin robot və yaxud həqiqi insan olması barədə müzakirələr aparılıb. Nəhayət, onun 3D texnologiyasının köməkliyi ilə yaradıldığı müəyyənləşib.

Mənbə: qafqazinfo.az