Azərbaycan vətəndaşı Gürcüstanda qətl törədib

Gürcüstanın Dmanisi rayonunda qətl törədilib

“Report”un yerli bürosu xəbər verir ki, bu barədə Gürcüstanın Daxili İşlər Nazirliyindən bildirilib. İstintaqla müəyyən olunub ki, 38 yaşlı şəxs 2000-ci il təvəllüdlü tanışı ilə mübahisə zamanı onu bıçaqla yaralayaraq hadisə yerindən qaçıb. Yaralı xəstəxanaya çatdırılsa da, onun həyatını xilas etmək mümkün olmayıb.

Hadisəni törədən şəxsin Azərbaycan vətəndaşı olduğu bildirilir. O, qətldən dərhal sonra “isti izlər”lə saxlanılıb. Polis soyuq silahı maddi sübut kimi müsadirə edib. Saxlanılan şəxs günahını etiraf edib. Faktla bağlı Cinayət Məcəlləsinin qəsdən adam öldürmə maddəsi üzrə cinayət işi açılıb. Saxlanılan şəxsi 7 ildən 10 ilədək həbs cəzası gözləyir.

Azpolitika.info

ƏVVƏLKİ XƏBƏR

Alimlər koronavirus əleyhinə vaksin kəşf edə biləcəklərmi? - ÜST əmin deyil

SONRAKI XƏBƏR

Rusiyalı ekspert: "Azərbaycanda yaxın illərdə Günəş energetikasının inkişafını gözləmək olar" - MÜSAHİBƏ