“Tramp demofobiyadan əziyyət çəkir” - Saakaşvili

“Tramp demofobiyadan əziyyət çəkir” - Saakaşvili

Ukraynada islahatların icra komitəsinin başçısı Mixail Saakaşvili Amerika Birləşmiş Ştatlarının (ABŞ) prezidenti Donald Trampın «fobiyasından» danışıb.

Gürcüstanın sabq prezidenti bu mövzuda informasiyanı «Ukrayna-24» telekanalına verdiyi müsahibədə bölüşüb. Müsahibə «YouTube»-də dərc olunub.

Bu mövzuda söhbət, aparıcının sualından sonra başlanıb. O, soruşub ki, siyasi liderlərdən kimlər görüşərkən öpüşməyə və ya qucaqlaşmaya üstünlük verir?

Söhbət Trampa çatarkən, Saakaşvili xatırladıb ki, ABŞ prezidenti ilə şəxsən tanışdır və onun çox qəribə fobiyası var - görüşərkən, həmsöhbətinin əlini sıxmağa qorxur.

«Brejnevə çatmamışam… Tramp hətta əl sıxmağı da sevmir. Mənimlə, əlbəttə, sıxıb. O, demofobdur - belə bir anlayış var. Ona görə də o, indi deyir: «Mən,sizə dedim, həm də çoxdan dedim ki, bir-birinin əlini sıxmağa ehtiyac yoxdur»» - Ukraynanın baş islahatçısı bildirib.

Beləliklə o, ABŞ liderinin sanki əvvəlcədən etdiyi xəbərdarlığa işarə edib - pandemiya şəraitində əl sıxmaq koronvirusa yoluxmaqla nəticələnə bilər.

Qeyd etmək lazımdır ki, bu halda Saakaşvili terminologiya səhvi buraxıb. Demofobiya çoxlu sayda insanın toplaşması qarşısında qorxu mənasını verir. Başqa insanlara toxunmaq qorxusu isə qaptofobiya adlanır.

AzPolitika.info

Mənbə: azpolitika.info