Bu il 984 din xadiminə maddi dəstək göstərilib

Bu il 984 din xadiminə maddi dəstək göstərilib

"Bu ilin yanvar-iyun ayları ərzində 984 nəfər din xadiminə aylıq maddi dəstək göstərilib".

"Report" xəbər verir ki, bunu Dini Qurumlarla İş üzrə Dövlət Komitəsinin tabeliyində Mənəvi Dəyərlərin Təbliği Fondunun icraçı direktoru Mehman İsmayılov deyib.

O bildirib ki, maddi dəstək göstərilən din xadimlərindən 212 nəfəri Naxçıvan Muxtar Respublikasında fəaliyyət göstərir: "Hazırda Prezident İlham Əliyevin 2 iyun 2020-ci il tarixli Sərəncamı ilə Fonda ayrılan 100 min manat vəsaitin 22 qeyri-islam dini icmaların hesabına köçürülməsi prosesi yekunlaşmaq üzrədir".

Mənbə: azpolitika.info