“ATƏT-in Minsk qrupunun həmsədrləri Qarabağ məsələsi üzrə məzmunlu/mövzulu danışıqlara (“substantive negotiations”) keçməyə çağırış edirlər”, Ordu.az xəbər verir ki, bunu Ermənistanın “Politekonomia” tədqiqat institutunun direktoru Andranik Tevanyan öz “Facebook” səhifəsində yazıb.

“Erməni tərəfindən mövzu ilə bağlı ziddiyətli bəyanatlar səslənib, bunun “tacı” “Münaqişənin həlli Ermənistan, Qarabağ və Azərbaycan xalqlarını qane etməlidir” qətnaməsidir, populist əks-təsviri isə “Qarabağ Ermənistandır, vəssalam”dır. Ermənistanın yeni səlahiyyətliləri israrla bildirmirlər ki, Qarabağın öz müqəddəratını təyinetmə hüququnun həyata keçirilməsi və Qarabağın Azərbaycan tərkibindən kənarda beynəlxalq səviyyədə tanınması onların prioritet vəzifəsidir”, - deyə o qeyd edib.

Alpər Mövludoğlu
Ordu.az

Mənbə: ordu.az