Nex24.news: Dağlıq Qarabağ münaqişəsində kürdlər də qurban olublar

Budapeşt, 25 sentyabr, AZƏRTAC

Nex24.news nəşrində gənc Azərbaycan alimi Asif Məsimovun “Dağlıq Qarabağ münaqişəsində kürdlər də qurban olublar” sərlövhəli məqaləsi dərc edilib (https://nex24.news/2020/09/konflikt-um-bergkarabach-auch-kurden-waren-opfer/).

AZƏRTAC xəbər verir ki, məqalədə Ermənistan-Azərbaycan Dağlıq Qarabağ münaqişəsindən bəhs edilir. Bu münaqişə nəticəsində həlak olanların sayı, müxtəlif hesablamalara görə, 20-30 min həddindədir. Ermənistan Azərbaycanın Dağlıq Qarabağ regionunu və onun ətrafındakı yeddi rayonu işğal edib. Bir milyona yaxın insan qaçqın və məcburi köçkün vəziyyətinə düşüb.

Müəllif qeyd edir ki, iki ölkə arasında münaqişə dini zəmində yaranmasa da, bu müharibə dövründə Ermənistandan və Dağlıq Qarabağa bitişik ərazilərdən müsəlman kürdlər də qovulub, yezidi kürdlər isə Ermənistanda qalıb. Məqalə müəllifi Ermənistanın monoetniklik və milli azlıqların assimilyasiyası siyasəti barədə yazır. Bundan əlavə, məqalədə Azərbaycan kürdlərinin tarixi və müasir həyatı barədə informasiya verilir, qeyd olunur ki, 1993-cü ildə Kəlbəcərin işğalından sonra Azərbaycan kürdləri dünya kürd diasporuna müraciət edərək erməni təcavüzünə son qoyulmasına kömək göstərməyə çağırıblar.

Pərvanə Qarayeva

AZƏRTAC-ın xüsusi müxbiri

Budapeşt

Azertag.az

ƏVVƏLKİ XƏBƏR

Yusif Bağırzadə: "Azərbaycan və Türkiyə qədər bir-birinə yaxın olan ikinci bir müttəfiq dövlət yoxdur" - MÜSAHİBƏ

SONRAKI XƏBƏR

Beynəlxalq jurnallardakı məqalələrə rəy verən BDU alimlərinin fəaliyyəti yüksək qiymətləndirilib